影片
更多
2019-03-02
49 浏览
好耐冇打邊爐，想食有質素的火鍋，同事推介了銅鑼灣的酒鍋。餐廳內環境舒服，每張枱都有好足夠的空間。最正的係一邊仲有落地大玻璃窗，可以飽覽維港景色。調味盤好多選擇。今次選擇左「酒火入鍋」的湯底，很有趣的名字。湯底有5種，真係岩晒每種都想試的我地。５種湯底分別有龍蝦湯﹑麻辣湯﹑蘿蔔牛腩湯﹑沙爹湯同埋中間的木瓜盅。最特別係木瓜盅會係以酒做湯底，侍應先點著一杯酒，然後將著住火既酒倒入中間的木瓜盅度，睇住D酒火倒入鍋中，都幾特別。等酒火燒左一陣，又會放入乾冰，令成個鍋甚至成張枱都有涼涼的白煙，未食都覺得係一個視覺上的享受。龍蝦湯底內的開邊龍蝦好大隻，仲要係整整一隻每邊都好多肉。所以連個湯底都好濃味。而中間以酒入湯的木瓜盅，木瓜煮到好淋出晒味，令湯底好甜。就連木瓜都以酒煮到好清甜。海鮮拼盤2人份量的海鮮拼盤，有大大隻蝦﹑蟶子﹑大蜆和帆立貝等，每樣都有2件。每款都好新鮮，個人鍾意用比較清淡的湯底去煮，以木瓜盅的帶酒味湯底煮，更能突出海鮮鮮味。蟶子好大隻好好肉。頂級安格斯牛小排(大)牛小排的顏色好靚，脂肪唔會太多，淥到剛好變色熟透，食落好香牛味，而且質地好柔軟，一點都不難咬開。同埋覺得牛小排的厚度都剛好
餐廳內環境舒服，每張枱都有好足夠的空間。最正的係一邊仲有落地大玻璃窗，可以飽覽維港景色。
調味盤好多選擇。
今次選擇左「酒火入鍋」的湯底，很有趣的名字。
湯底有5種，真係岩晒每種都想試的我地。５種湯底分別有龍蝦湯﹑麻辣湯﹑蘿蔔牛腩湯﹑沙爹湯同埋中間的木瓜盅。
最特別係木瓜盅會係以酒做湯底，侍應先點著一杯酒，然後將著住火既酒倒入中間的木瓜盅度，睇住D酒火倒入鍋中，都幾特別。
等酒火燒左一陣，又會放入乾冰，令成個鍋甚至成張枱都有涼涼的白煙，未食都覺得係一個視覺上的享受。
龍蝦湯底內的開邊龍蝦好大隻，仲要係整整一隻每邊都好多肉。
所以連個湯底都好濃味。
而中間以酒入湯的木瓜盅，木瓜煮到好淋出晒味，令湯底好甜。
就連木瓜都以酒煮到好清甜。
海鮮拼盤
2人份量的海鮮拼盤，有大大隻蝦﹑蟶子﹑大蜆和帆立貝等，每樣都有2件。
每款都好新鮮，個人鍾意用比較清淡的湯底去煮，以木瓜盅的帶酒味湯底煮，更能突出海鮮鮮味。
蟶子好大隻好好肉。
頂級安格斯牛小排(大)
牛小排的顏色好靚，脂肪唔會太多，淥到剛好變色熟透，食落好香牛味，而且質地好柔軟，一點都不難咬開。同埋覺得牛小排的厚度都剛好，唔算太厚但剛好可以食到肉質的口感。
7星報喜即7種不同口味的手打墨魚丸﹑有莞茜﹑紫薯﹑粟米﹑黑松露等。味道唔算好突出，不過因為係手打的關係，所以咬落特別彈牙，而且都好香墨魚味，值得一試。
鵝肝醬匈牙利髦毛豬肉丸
朋友以為為什麼這個豬肉丸淥極都係粉紅色，忘記了原來肉丸內係包著鵝肝的。加入鵝肝令整粒丸的質感好滑，亦都好重鵝肝味。
蜂巢豆腐
必次打邊爐必點的配料，無論配哪一個湯底，都吸收晒湯底的香濃鮮味。
蔬菜拼盤
唔同種類的蔬菜都有，份量唔好多，但都好新鮮。
张贴
