影片
更多
2021-04-24
1676 浏览
我同朋友都好鍾意打邊爐，於是前幾日就同佢黎左銅鑼灣呢間酒鍋打邊爐啦。酒火入鍋$328真係好鍾意呢到有啲一格格嘅湯底，呢款酒火入鍋包含左成五個湯底，就算同朋友有時嘅口味唔同都唔怕，五個湯底入面實有幾個係會鍾意食嘅。今次嘅五個湯底分別係木瓜鍋、番茄波士頓龍蝦鍋、清湯蘿蔔牛腩、四川麻辣鍋同埋沙爹鍋。估唔到每款湯底入面都有好多配料可以食，例如有蕃茄湯入面有半隻龍蝦，清湯蘿蔔牛腩入面都好多煮得軟淋嘅蘿蔔同牛腩，麻辣鍋入面又有好多豬皮芽菜同埋豆卜，我懷疑就咁食曬幾個湯底入面所有嘅配料都已經會飽飽地。每款湯底味道都好香濃，有時想重味啲嘅時候就就材料放入沙爹鍋或者麻辣鍋，想淡味啲嘅時候就放入蘿蔔牛腩鍋或者番茄鍋。特別值得一提嘅係木瓜鍋入面有半舊木瓜同埋幾隻蝦，上檯嗰陣店員會淋上酒，然後點火，畫面震撼，名符其實嘅酒火入鍋。頂級安格斯牛小排（小）$188打邊爐無理由唔食牛架，我同朋友兩個都好鍾意食牛肉，於是叫左份牛小排嘅。安格斯牛小排一片片掛喺架上面好澎拜，啲雪花都好靚，食落牛味香濃，口感彈牙。蜂巢豆腐$28有八粒，一粒粒雪凍左嘅蜂巢豆腐放入熱湯入面，又係一款好索湯嘅配料，可以放入自己最鍾意嘅湯底入面。黑
酒火入鍋$328
真係好鍾意呢到有啲一格格嘅湯底，呢款酒火入鍋包含左成五個湯底，就算同朋友有時嘅口味唔同都唔怕，五個湯底入面實有幾個係會鍾意食嘅。今次嘅五個湯底分別係木瓜鍋、番茄波士頓龍蝦鍋、清湯蘿蔔牛腩、四川麻辣鍋同埋沙爹鍋。
估唔到每款湯底入面都有好多配料可以食，例如有蕃茄湯入面有半隻龍蝦，清湯蘿蔔牛腩入面都好多煮得軟淋嘅蘿蔔同牛腩，麻辣鍋入面又有好多豬皮芽菜同埋豆卜，我懷疑就咁食曬幾個湯底入面所有嘅配料都已經會飽飽地。
每款湯底味道都好香濃，有時想重味啲嘅時候就就材料放入沙爹鍋或者麻辣鍋，想淡味啲嘅時候就放入蘿蔔牛腩鍋或者番茄鍋。
特別值得一提嘅係木瓜鍋入面有半舊木瓜同埋幾隻蝦，上檯嗰陣店員會淋上酒，然後點火，畫面震撼，名符其實嘅酒火入鍋。
頂級安格斯牛小排（小）$188
打邊爐無理由唔食牛架，我同朋友兩個都好鍾意食牛肉，於是叫左份牛小排嘅。安格斯牛小排一片片掛喺架上面好澎拜，啲雪花都好靚，食落牛味香濃，口感彈牙。
蜂巢豆腐$28
有八粒，一粒粒雪凍左嘅蜂巢豆腐放入熱湯入面，又係一款好索湯嘅配料，可以放入自己最鍾意嘅湯底入面。
黑松露蝦蟹餃$88
有四隻，食落黑松露味好濃，入面啖啖蝦肉，好彈牙。
黑毛豬豚腩肉玫瑰花拼盤$268
有三卷好靚嘅玫瑰花，每卷有四大片豚肉。豚肉食落唔會太肥，但肉味十足，好食。
開心小企鵝$88
有三隻好可愛嘅小企鵝，食落係彈牙香濃嘅墨魚丸。可惜嘅係本身小企鵝底下有片紅蘿蔔，但煮完之後塊紅蘿蔔會唔見左。
蔬菜拼盤$68
有好多唔同嘅蔬菜，包括生菜、秋葵、西蘭花同埋南瓜等。
雜菌拼盤$58
好多菇類，大滿足。
另外我地仲叫左杯紫貝天葵同埋竹蔗茅根，每杯$28，配火鍋好夾。
张贴
