影片
更多
2011-01-15
39 浏览
姨丈同姨姨佢哋專登揸車入嚟屯門探媽咪，仲車埋我哋去屯門時代廣場飲茶；一日之前，姨姨喺 Openrice 搵定酒樓，決定嚟稻香。可能我哋一家唔興飲茶嘅關係，一嚟到先知，要自己喺部機攞籌，好似銀行咁，真係與時並進！此外，仲有得揀搭唔搭枱，唔會有一些不必要爭議。我哋一行7 人，等咗大約半個鐘，比預期快！呢度之前裝修過，只係外牆被竹棚架遮擋。坐得有些少迫，每枱之間欠缺空間！其實我哋叫咗好幾款點心，泰式食品及一個炒飯，見泰式食品比較特別，影低張相。貼點心當中，特意一提， 原蝦燒賣：一隻蝦放喺燒賣上面，大隻兼爽身，去埋蝦腸。食落啖啖肉！瑤柱蛋白炒飯：瑤柱、蛋白、菜粒，炒得幾大碟，少油，算清淡。芒果黑糯米：賣相與壽司有幾分相似，有4 件，芒果放喺黑糯米上面，芒果個樣靚，不過幾酸，黑糯米唔係想像中咁甜，帶有煙韌口感！泰式拼盤：有炸蝦膠、春卷、雞翼、豬頸肉。炸蝦膠 - 金黃鬆脆，蝦膠夠爽身，十分美味！配以甜酸醬及泰式辣醬，更添滋味！ 春卷 - 以圓形薄身有花邊春卷皮包成，攞去炸，記得有豬肉餡，好惹味！豬頸肉 - 夠入味兼爽身，份量唔少！每人最少食到一塊！ 師傅仲好好心機切花邊！ 砌起上嚟似唔似箭豬呀？想
可能我哋一家唔興飲茶嘅關係，一嚟到先知，要自己喺部機攞籌，好似銀行咁，真係與時並進！此外，仲有得揀搭唔搭枱，唔會有一些不必要爭議。
我哋一行7 人，等咗大約半個鐘，比預期快！
呢度之前裝修過，只係外牆被竹棚架遮擋。坐得有些少迫，每枱之間欠缺空間！
其實我哋叫咗好幾款點心，泰式食品及一個炒飯，見泰式食品比較特別，影低張相。貼
點心當中，特意一提， 原蝦燒賣：一隻蝦放喺燒賣上面，大隻兼爽身，去埋蝦腸。食落啖啖肉！
瑤柱蛋白炒飯：瑤柱、蛋白、菜粒，炒得幾大碟，少油，算清淡。
芒果黑糯米：賣相與壽司有幾分相似，有4 件，芒果放喺黑糯米上面，芒果個樣靚，不過幾酸，黑糯米唔係想像中咁甜，帶有煙韌口感！
泰式拼盤：有炸蝦膠、春卷、雞翼、豬頸肉。炸蝦膠 - 金黃鬆脆，蝦膠夠爽身，十分美味！配以甜酸醬及泰式辣醬，更添滋味！ 春卷 - 以圓形薄身有花邊春卷皮包成，攞去炸，記得有豬肉餡，好惹味！豬頸肉 - 夠入味兼爽身，份量唔少！每人最少食到一塊！ 師傅仲好好心機切花邊！ 砌起上嚟似唔似箭豬呀？
想講一講侍應服務態度，有位女侍應 sell 我哋年糕劵，我哋話已經買咗。之後，叫佢幫忙跟一跟碟炒飯，佢答會睇吓！10 分鐘之後，見仲未有，我哋今次搵女經理幫手追，佢話 miss 咗單，要等10 分鐘，一陣間，炒飯就上枱。( 原來唔幫襯侍應買年糕劵，會唔幫食客跟單架，大家留意呀！唔知大家有無試過呢？)
张贴
