圓山台灣料理 (已結業)

想搵間可以坐耐啲既台灣餐廳食晚餐同朋友聚一聚～朋友就介招左呢間！裝修比較似酒樓，坐無虛席! 睇黎唔錯呢有好多唔同台灣菜式！由家常菜到街頭小食都有💯我地揀左呢個晚市精選，都幾抵食！有前菜、湯、三餸、飯/麵～一坐低就送左個拍青瓜～《皮蛋肉鬆豆腐》台灣既肉鬆係特別好味，唔會太咸又夠鬆👍🏻皮蛋夠溏心～仲要有雪花❄️證明係靚皮蛋！《阿里山桂竹筍》之前從來冇食過呢道菜，荀十分爽口，微酸，汁就比較重口味～《足料老火湯》燉盅整既湯就係唔會好多油，而且冇味精又足料💯《台式蚵仔煎》估唔到蚵仔煎都可以做到流心效果😆而且呢到既蚵仔比較特別，炸過黎有層酥脆口感《蛋黃肉》呢道菜都係我第一次聽，就咁睇好似肉餅，但實質就比肉餅肉質鬆好多，而且油份較多，有小小入口即溶～《肉燥飯》油香豐盈，肉粒唔會太瘦，終於食到朝思暮想既肉燥飯！