東園酒家宴會廳 (已結業)

今晚有媽媽接放工，兩母女撐枱腳，帶佢去我有時午餐會去飲茶既東園酒家。午餐食點心有水準，晚市食小菜就第一次....呢間酒樓~6:30pm 已經好多食客揀左一陣，母親大人揀左是日老火燉湯：章魚豬展佛手瓜湯好足料既湯，飲落冇味精、原汁原味又清甜，一人飲左有3碗！跟住見到新出品：燕窩琵琶豆腐黎到見到一舊舊水滴形狀炸左既豆腐，上面鋪左燕窩，以為平平無奇，一放入口，豆腐一咬即溶，配上莞茜香味.....好好食！黑松露雪燕蒸水蛋呢味又係媽媽點既，佢話出面蒸水蛋好滑，自己係屋企整唔到😳菜式裝飾係成枝🌷咁的確，水蛋蒸得完全唔老，好滑，會sir入喉嚨，黑松露醬同水蛋好夾👍🏻最後係我叫既上湯焗中蝦煎米粉底，因為我好鍾意食蝦🦐呢間酒樓既上湯汁好濃，5隻中蝦新鮮，下面用煎米粉做底，米粉吸收左上湯汁同蝦精華，正😋整體黎講....呢間酒樓既午市同晚市都不錯！我仲見到呢期推介食黃油蟹....已決定同家人再黎食一餐🦀！