影片
更多
2019-02-15
3755 浏览
新年必定要食餐好既! 但我又唔想自己煮咁麻煩, 決定帶埋老公同個女去食自助餐~~~ 想搵平靚正既酒店BUFFET, 可以專攻新酒店, 因為要吸引客人, 多數都會平D同有gimmick!今次我地就去左黃竹坑既L'hotel - LIS Café !以前去黃竹坑好吊腳, 而家有港鐵之後, 在金鐘坐兩個站就到, 方便到一個點呀!!!CNY日子去, 有大大棵桃花放在門口, 好有氣氛呀!新開酒店, 唔算多人, 空間感非常之好~ 之前去尖沙咀某酒店, 又逼又多人, 檯櫈又細, 六百元/ppl 都好似去茶餐廳咁逼...... 所以之後我都會選擇一D坐得舒服食得開心既buffet~ 環境好好, 又大又闊落! 有圓檯添呀, 方便一大型朋友家人去食! 更設有獨立房, 唔怕嘈親人~~LIS Café 呢期的主題是「新春豐味美饌」 特別有幾款開年菜式, 好似發財好市 (髮菜蠔豉)、橫財就手 (南乳蓮藕炆豬手配三色齋鹵味)、迎年笑哈哈 (籠蒸大蝦碌)、金雞報喜 (當紅炸子雞), 帶家人去食, 佢地一定歡喜! 而家每位仲會送一煲迷你紅燒鮑魚花膠, 話就話迷你, 但片花膠真係好大塊好厚身呀~~~ 自助菜式都超
今次我地就去左黃竹坑既L'hotel - LIS Café !以前去黃竹坑好吊腳, 而家有港鐵之後, 在金鐘坐兩個站就到, 方便到一個點呀!!!
CNY日子去, 有大大棵桃花放在門口, 好有氣氛呀!新開酒店, 唔算多人, 空間感非常之好~ 之前去尖沙咀某酒店, 又逼又多人, 檯櫈又細, 六百元/ppl 都好似去茶餐廳咁逼...... 所以之後我都會選擇一D坐得舒服食得開心既buffet~
環境好好, 又大又闊落!
有圓檯添呀, 方便一大型朋友家人去食!更設有獨立房, 唔怕嘈親人~~
LIS Café 呢期的主題是「新春豐味美饌」
特別有幾款開年菜式, 好似發財好市 (髮菜蠔豉)、橫財就手 (南乳蓮藕炆豬手配三色齋鹵味)、迎年笑哈哈 (籠蒸大蝦碌)、金雞報喜 (當紅炸子雞), 帶家人去食, 佢地一定歡喜! 而家每位仲會送一煲迷你紅燒鮑魚花膠, 話就話迷你, 但片花膠真係好大塊好厚身呀~~~
自助菜式都超級豐富, 老公主攻海鮮類, 阿拉斯加長腳蟹、青口、大蝦、蜆...... 貨量充足!唔怕一轉就比人拎晒~~ XD
冰鎮得來又無乜雪味, 鮮度幾好! 我地食左好多!
鵝肝多士, 要襯熱食!
即場煎澳洲西冷牛扒, 可自選幾成熟, 另有豬扒、雞扒等.
日本刺身、壽司、丼飯都好受歡迎, refill得快~ 刺身是即叫即切添!帶子、油甘魚、牡丹蝦、冰鎮鮑魚 GOOD GOOD!!
去食buffet, 自己特別喜歡飲湯, 如果你都係, 呢度就好岩你, 因為有多款中西湯, 個人必推潮式咸菜豬肚湯!! 好夠味!! 正!!
日式天婦羅、長洲大魚蛋、忌廉煮青口、 龍蝦意粉、綠茶麵蕎麥麵,款式好多, 好吸引!
蟹粥超甜超足料, 我們吃了兩碗XD
龍蝦燉蛋, 又是必吃之選! 其他地方很少見, 味道濃郁, 又滑身!
前菜沙律、芝士、冷盤都有好多選擇, 竟然比我見到有 superfood羽衣甘藍呀!食完主菜, 又係時候去轉甜品區喇!
有小朋友最愛的糖果區~ 可瘋狂拎糖果~!!(當然, 我會調節一下阿女的慾望, 不會做大嘥鬼啦)
甜品區有大家都好愛的蛋糕、奶凍, 個人比較喜歡北海道牛奶布甸、檸檬蛋糕、朱古力mousse、綠茶蛋糕, YUMMY!!
LIS Café 更有 Häagen-Dazs雪糕!! 任食架!!當日有兩款味道可選, 雲呢拿同芒果紅桑子~~
就算食到好飽都要食返杯雪糕~ HAHA!!
另有紫米露、水果~
提提你, 果汁、咖啡奶茶都是自助式, 無限添飲!
豬年一開始就食好D, 希望今年日日都有食神~~ HAHA!!
L'hotel - LIS Café每位價目:
星期一至四:
成人 $438 | 小童/長者 $238
星期五至日, 公眾假期及其前夕:
成人 $458 | 小童/長者 $258
张贴
