影片
更多
2018-03-09
251 浏览
相約朋友喺上環區食飯，朋友食素，又唔想去傳統齋鋪，竟然俾我喺openrice揾到呢間義大利式素菜餐廳！我哋就用openrice book位！好在6 點幾早去到，晏少少都坐滿人！ 證明呢間餐廳都幾多支持者！餐廳佈置頗精緻，很有高級餐廳風格！餐牌選擇貴精不貴多！由沙律小食，餐湯到主菜，咖啡同酒都有供應！ 除了飲品外，其他都只有幾樣精選選擇！ 餐廳上菜速度都幾快！先嚟到既係跟餐既田園沙律，其實份量足夠2 人share! 除左新鮮蔬菜外，仲加入左燕麥，增加口感！油醋酸酸甜甜令人醒神！跟住到既係炸薯條配黑松露醬，薯條金黃香脆，加了香草，更香口，除了咸咸地既黑松露醬外，仲有茄汁伴碟！朋友既餐湯係西蘭花湯，餐湯滿滿鮮甜西蘭花菜味，加埋香脆既法包嚟食，非常配合！我就叫左個好多洋蔥絲喺入面既洋蔥湯，洋蔥味濃郁，適合重口味既我！ 相信都因為口味較重，餐廳配左一片有芝士喺面既法包，增加口感！其實之前既湯同小食份量都唔細，未食主菜都已經半飽了，跟住送到嚟大大碟既 4 色芝士闊條麵開頭都驚食唔晒，不過可能由於無肉既關係，食極都唔覺滯，闊條麵芝士味濃郁，軟硬適中！汁亦做得恰到好處，滿滿沾在麵條上，食完都沒有太多
好在6 點幾早去到，晏少少都坐滿人！ 證明呢間餐廳都幾多支持者！餐廳佈置頗精緻，很有高級餐廳風格！
餐牌選擇貴精不貴多！由沙律小食，餐湯到主菜，咖啡同酒都有供應！ 除了飲品外，其他都只有幾樣精選選擇！
餐廳上菜速度都幾快！先嚟到既係跟餐既田園沙律，其實份量足夠2 人share! 除左新鮮蔬菜外，仲加入左燕麥，增加口感！油醋酸酸甜甜令人醒神！
跟住到既係炸薯條配黑松露醬，薯條金黃香脆，加了香草，更香口，除了咸咸地既黑松露醬外，仲有茄汁伴碟！
朋友既餐湯係西蘭花湯，餐湯滿滿鮮甜西蘭花菜味，加埋香脆既法包嚟食，非常配合！
我就叫左個好多洋蔥絲喺入面既洋蔥湯，洋蔥味濃郁，適合重口味既我！ 相信都因為口味較重，餐廳配左一片有芝士喺面既法包，增加口感！
其實之前既湯同小食份量都唔細，未食主菜都已經半飽了，跟住送到嚟大大碟既 4 色芝士闊條麵開頭都驚食唔晒，不過可能由於無肉既關係，食極都唔覺滯，闊條麵芝士味濃郁，軟硬適中！汁亦做得恰到好處，滿滿沾在麵條上，食完都沒有太多留在碟上！另外配上不同類型既菇，炸得很乾身，唔油膩，有較爽口，有較稔，有較香脆，也有咸的，甜的，口感令我非常驚喜，好快俾我哋食晒！
最後送上的主菜，係意式蕃茄炸意大利飽，呢個真係驚喜！估唔到簡簡單單既意大利飽用左咁多功夫，炸到外脆内軟，加埋略酸既蕃茄汁，非常開胃，飯內加入香草，松露等，令口感大增！本來食完4 色麵都好擔心食唔落，不過因為太好食，最後我哋都食晒！
飯後我再叫左杯焦糖豆奶咖啡，豆味香濃，滑溜，咖啡味濃郁，甜度恰到好處，唔加糖都無問題！
餐廳由裝修到食品以至服務，都達到酒店水平，難得係一間素食餐廳，希望香港可以多d呢類型餐廳俾鍾意素食既朋友！
张贴
