DK1885 (已結業)

朋友介紹我嚟灣仔依間越式餐廳度食晚餐，去食過話好好味，等我都黎試吓啦！一嚟到老闆娘就好親切咁同我地介紹餐廳嘅嘢食，好有家的感覺😚而餐牌上面野食種類好多，我哋叫咗老闆娘推介嘅4款嘢食，真係冇推介錯！樣樣都勁好味， CP值勁高😍🤟🏻蓮藕心鮮蝦沙律🥗食過咁多次沙律最好味嘅一碟！用左外國嘅火箭沙律，第一次配蓮藕心嚟食，估唔到未到咁夾！蓮偶心勁爽脆，味道好清甜🤩仲要有大大隻嘅鮮蝦！沙律個張老闆娘話用咗自己調製嘅醬汁，食落去有少少醋味、泰式汁嘅味道，口感超fresh🤩海防手工墨魚餅墨魚餅口感好彈牙，點綴泰式汁離食味道一流😚越式珍珠蚌真係10粒星推介！一生人必食一次🤩珍珠蚌勁大隻，勁鮮甜🤩肉質仲要好鮮先好彈牙！而且湯底唔係味精湯黎，味道鮮甜，就咁飲都得！重點係一咬入口，珍珠蚌嘅鮮味喺口腔爆發🤩真係人間美食！老闆娘話唔係成日有㗎，所以各位嚟嘅話，有既一定要試吓，機會難得🤟🏻海防螃蟹肉湯金邊粉呢個係另一個必食推介，勁足料！裏邊有滿滿嘅蟹肉、魚丸，而且面好彈牙，湯底有調教到啱啱好，適合香港人口味😚