Dabyida Restaurant and Bar (已結業)

外国朋友到左香港旅行，唔够时间同佢周围玩，就系佢酒店附近食，估唔到有间食半自助餐既餐厅。拣一个主菜，冷盘、沙律同甜品等等都系任食。有3-4款沙律，肉同埋芝士都有几款可以食。甜品好美观，除左蛋糕仲有马卡龙，正！冷盘既冻肉有三种，质素都唔错，辣烟熏肠好浓味，辣辣地不错。意粉系捞左沙律酱同吞拿鱼，几饱肚！仲有薯仔烚蛋沙律，几好食，薯仔好大旧。主菜黎啦！系炭烧雪花西冷扒配黑松露烧汁。外型好美观，质素都唔错，牛排果然系雪花西冷，十分肥美，有阵阵炭火既香味，外层烧到有小小脆。牛排酱汁浓郁，有重好香既菇味同黑松露味，咸味较为突出。最后食埋甜品先，选左伯爵茶蛋糕同三件马卡龙。伯爵茶蛋糕好清香，甜度适中，够绵密，忌廉又够滑。马卡龙都系外脆，入面小小烟韧，绿色味最好食。