團購以海鮮生蠔做招徠,當日海鮮有魚(間唔中出一條),蝦,蟹(數款),龍蝦,瀨尿蝦,蠔(係有一款蒜茸燒),螺,青口,刺身有(三文魚,八爪魚),串燒(墨魚丸,雞翼,腸仔,雞肉串,蠔),另外竟然見到其他BUFFET難見到既: 以粟米配上牛油就可以做其中一款食物?!(粟米果然被男女老幼喜歡),仲有沙律BAR,飲品(溝水利賓納,溝水橙汁),甜品(四款蛋糕,啫喔杯,布甸杯,泡芙,維記雪糕數款口味)另加兩款自選扒類
蟹的種類多,可惜既係唔知新鮮度或煮法出左問題,大部份都霉,瀨尿蝦更甚
!!最後掉左同放棄D蟹多過食落肚,而龍蝦同三文魚刺身都新鮮既,而且REFILL得算快,蠔只有一款蒜茸燒,並冇生蠔!食物種類唔算多,飲品方面簡直離譜,溝既橙汁有怪味,算啦,飲水!甜品方面,多幾款就好啦.....可以讚下既係沙津BAR入面既蔬果都算多款式,仲有自選扒類(五選一)既扒煎得幾好
1
環境及服務:
觀塘工廠區西餐廳格局,酒店價錢,D碟其實可以換下姐?!
服務唔錯,有禮貌,快手快腳,應該讚!!
價錢:
西餐廳格局,酒店價錢,如果一百蚊一位都勉強可以,但而家係$238+38(每位服務費),就真係冇下次!!講真,呢間D食物又唔係難食到入唔到口,但豬扒首領第一原則係性價比,咁既價錢絕對可以享受到喺旺區地點,酒店質素同食物!!比劣評代表唔會推介呢間餐廳比朋友同其他食家,亦希望餐廳改善下質素啦!
