Shining Restaurant & Lounge (已結業)

今晚同朋友去咗間好特別嘅餐廳，就係酒吧裡的潮州菜！同埋聽聞餐廳係由米芝蓮名廚主理，好期待。好多揀擇，估唔到lunch set 都幾掋。我哋嗌咗個二人套餐，每位$228，仲唔包嘢飲，唔平。先來碗明爐老火湯，好足料！酸蘿蔔開開胃滷水獅頭鵝肉份量大，鵝肉嫩滑入味，底下嘅豆腐都好滑溜。可惜唔係用白鹵水整，下次要試下佢哋自家調製嘅白鹵水！威士忌酒香鵝肝賣相滿足，睇住個波爆破，散發著濃濃嘅威士忌酒味。但係鵝肝嘅味有啲淡，都係覺得香煎會好食啲。脆炸拼盤配黑松露醬有返啲酒吧味道，有炸薯條、炸蝦同炸芋頭，配上黑松露醬真係滋味無比！其實食到呢度都飽飽地，食埋個潮式炒米粉同上湯時菜真係極飽！