Shining Restaurant & Lounge (已結業)

有朋友介紹我地去銅鑼灣一間可飲酒同食中菜既店舖，環境非常不錯，食物方面不是普通貨色。咁就叫我朋友帶我去試下，在這段時間上去岩岩是Happy hour，叫啤酒可買一送一。咁可以同朋友吹下水，嘆下美食。餸酒的話叫些香口食物是最好不過。【金沙椒鹽鮮魷皇】鹹香的鹹蛋黃醬配上爽脆彈牙的魷魚，炸得非常金黃色，配一杯啤酒一流。【百花馬友鹹魚蝦膠煎肉餅】估不到蝦膠同肉餅都可以咁夾，甘香彈牙，又不會過鹹。【金沙椒鹽豆腐】椒鹽豆腐份量比想像中多，剛剛好一啖一口，外脆內軟，內裡非常軟滑，豆味突出。到最後我最估不到佢既中菜小食原來咁出色，餸酒一流。