彌敦左岸

营业中

休息中

人大左，蒲少左。無去赫德道一排，原來林林總總的酒吧當中開了不少真係有野食的西餐廳。行下行下來到一間有點懷舊風，卻光鮮的餐廳。仲記得呢度前身係一間好大但偏嘈的酒吧。店員好主動邀請我地，上到樓上比想像中更有空間感。仲有一座懷舊風十足的小舞台，我估weekend可能會有live band添。Menu用雜誌風，幾型格。食物選擇都好多好齊全。朋友未到齊，先點一個小食拼盤比大家頂頂肚。小食拼盤有足足七款小食，每款數件，都幾抵食。當中最有特色是中間的南瓜條，大家都以為佢係薯條。一入口甜甜地，咬落脆脆地，好有趣。蒜片蝦亦唔失色，大大隻彈牙入味，唔比傳統西班牙餐廳的差。脆香雞翼絕對係我飛佛，出品都無令我失望。去到邊度都要食雞翼做頭盤，呢度的雞翼就令我十分滿足了。外皮炸得香脆，內裡嫩滑有汁，配泰式酸辣醬更加係無得輸。朋友到齊後點了沙律開開胃，煎帶子沙律亮點竟然在沙律菜上。沙律菜原條爽脆，有十分新鮮的草香味，醬汁較輕身無搶主角風頭。整份沙律十分大份，但製開胃，好快被清光。有位朋友呢期戒牛，所以我地叫左黑毛豬。點知靚的黑毛豬原來真係可以有牛扒甘好食的。厚切的豬扒上台，甚有睇頭。切開粉紅色，肥瘦均勻，肉質好嫩滑