Chapter 3 Steak Bar & Restaurant (已結業)

同細女去雀仔街睇鸚鵡🦜，事前梗係要醫下個肚。隨意行經見到呢間酒吧，但係見到啲set lunch都唔貴，而內裹環境都幾舒服，吸引了我哋下來。中午12點，我哋係第一枱客，之後陸續有客人來，都幾旺場。叫了兩個餐，餐湯係粟米湯，罐頭湯溝出嚟的。紅酒牛尾，味道調校得唔錯，不過骨多過肉😅，我相信係煲得淋滯，啲肉甩咗出嚟😂。阿囡叫嘅BBQ醬燒肋骨配薯條，就正正常常。呢度坐得幾舒服，我哋坐喺近門口的位置，又可以望到出邊條街，仲要價錢唔貴，埋單$182, 值得一試。