芝加哥串燒酒場 (太和中心)

而家食飯毫不猶豫會揀黃色經濟圈 但係點先知一間舖頭係咪黃店呢 最簡單嘅方法就係睇吓佢有冇痴文宣啦 嗰晚喺大埔同朋友諗緊食咩嘅時候行過見到呢間酒吧出面就貼左好多香港加油的標語 於是就走咗入去懲罰下佢雖然呢間係酒吧 但係上菜嘅時候 發現佢嘅嘢食一啲都唔馬虎簡直令我地雙眼發光呀佢哋呢間嘅串燒種類非常之多而且大部份都真係好高水準 我同朋友仔就最鍾意食佢地的羊肉同埋鵝肝🤤🤤 好香呀真係！！ 個蜜糖燒豬扒都好正🤤一入口的甜美差無俾隨之而來的豬油香掩蓋 👍🏻👍🏻👍🏻佢地的肉類串燒真係無得輸 係我食過咁多串燒店之中數一數二 但燒魚同聖子哩d海鮮類我地就唔推介啦 因為始終食海鮮都係去海邊好～