桂月 (已結業)

今日行開深水埗，見到有一間門面以磚面佈置，配上黑色窗門框，非常型格。進店後當然見到不少形形色色嘅美酒，令人有衝動想飲番杯。（但太早飲酒好飲唔係咁好😅）「桂·月」提供午市套餐種類都不少：意大利飯、扁意粉、甚至烤春雞、肉眼、三文魚扒都可供選擇。菠蘿汁/蘋果汁入口酸酸甜甜，清新解渴。南瓜湯午市套餐送上綿綿南瓜湯，香滑順口，味道清甜。乾炒香辣鮮蝦西西里醬扁意粉夏日炎炎，都想食番d惹味菜式，就選了這香辣鮮蝦意粉，其香辣醬汁酸酸甜甜，帶上微微香辣，而且更帶有爽彈鮮蝦，啖啖滋味。黑松露意大利飯意大利飯沾滿了忌廉醬汁，其中更加添野菌片、蘑菇粒、洋蔥等…再曬上黑松露醬，入口厚滑，米飯軟硬適中，口感豐富。