Vici Stage (已結業)

風乾火腿蘆筍卷呢個前菜睇落平平無奇，但係食落我同朋友都勁驚喜，餅皮好煙銀軟熟，風乾火腿加上爽口蘆筍，上邊配上牛油果醬，加埋薄餅啱啱好平衡返偏鹹嘅風乾火腿。白酒煮青口配蒜蓉包青口嘅份量好多，而且好鮮甜都幾大隻，食完之後剩低嘅湯汁用蒜蓉包點蒜蓉包仲要係新鮮熱辣，呢個可以話必叫！冬陰功海鮮意粉朋友好鍾意食冬陰功所以叫咗呢個，佢就話好啱佢口味，不過我就覺得辣咗少少最後仲叫咗個串燒，即叫即燒所以上枱嗰陣時仲係熱辣辣，燒到外脆內嫩，仲有肉汁，不錯不錯。餐廳嘅環境都幾舒服，酒吧來講佢哋嘅菜式真係幾出色。