影片
更多
2016-01-24
1655 浏览
響尖東返工，上年年尾見證Popway酒店開張，仲留意到佢既午市套餐買三送一，但可惜好耐都儲唔夠四個同事一齊去食飯，後來等呀等，等到連個優惠都完埋，一路都無再去食。最近要同人傾野，想搵間靜局又坐得舒服既餐廳，於是又再諗起Popway入面既Uptop。餐廳位於酒店既頂樓，飽覽維港景色；天台既Sky Deck更係無遮無擋，黎飲野、睇夜景一流！不過好可惜，我今晚黎到天氣麻麻，又凍又落雨，於是都係坐番餐廳室內。先黎杯野飲，經理推薦我地飲3 Citrus Iced Tea，個茶底係黃春菊茶，另外杯內有新鮮既西柚、青檸、香橙，再加上少量熱情果糖漿。出乎意料，呢杯飲品唔太甜，反而係淡淡既清香，有新鮮果味，幾啱女仔飲。朋友飲酒，所以另外叫左一枝紅酒，我唔太飲得，不過就覺得放響窗邊影相好有型！侍應送上餐包，有黑炭包同餐包，我兩種都有試，夠軟熟，而重點係經廚師調過味既香草牛油，好香。Figs Garden：無花果+紅菜頭+黃菜頭沙律，紅菜頭味道濃郁，黃菜頭味道清新，一濃一淡，剛好互相平衡。我既飛佛係新鮮無花果，表面烤得微焦，有淡淡既果香，配番旁邊既黑醋汁食，夠晒醒胃。最後，唔好賴低下面既cream chee
最近要同人傾野，想搵間靜局又坐得舒服既餐廳，於是又再諗起Popway入面既Uptop。
餐廳位於酒店既頂樓，飽覽維港景色；天台既Sky Deck更係無遮無擋，黎飲野、睇夜景一流！不過好可惜，我今晚黎到天氣麻麻，又凍又落雨，於是都係坐番餐廳室內。
先黎杯野飲，經理推薦我地飲3 Citrus Iced Tea，個茶底係黃春菊茶，另外杯內有新鮮既西柚、青檸、香橙，再加上少量熱情果糖漿。出乎意料，呢杯飲品唔太甜，反而係淡淡既清香，有新鮮果味，幾啱女仔飲。朋友飲酒，所以另外叫左一枝紅酒，我唔太飲得，不過就覺得放響窗邊影相好有型！
侍應送上餐包，有黑炭包同餐包，我兩種都有試，夠軟熟，而重點係經廚師調過味既香草牛油，好香。
Figs Garden：無花果+紅菜頭+黃菜頭沙律，紅菜頭味道濃郁，黃菜頭味道清新，一濃一淡，剛好互相平衡。我既飛佛係新鮮無花果，表面烤得微焦，有淡淡既果香，配番旁邊既黑醋汁食，夠晒醒胃。最後，唔好賴低下面既cream cheese同yogurt，可以配番另外上枱既蜜糖合桃食，正！
Beetroot Gravlax：三文魚肉夠肥美，有油香，側邊係爽口既紅菜頭，微辣；旁邊係近年既健康之選藜麥沙律，有益健康。
Bashu Chicken：Bashu者，巴蜀也。呢道係Fusion慢煮菜式，廚師先將雞脾肉慢煮，然後再煎香表面，雞皮香脆帶鹹香，入面既雞肉就香滑軟腍，好好味，唔好忘記點旁邊既係宮保醬汁，中西合璧，我覺得好正！
Angus Cheek(必食推介！)：選用安格斯牛既面珠登，本身已經夠嫰滑，大廚仲採用左慢煮方法，令佢腍上加腍。睇下我用刀一切，入面係幾咁嫰，果D牛筋非常黏口，感覺食左好多骨膠原，食完我覺得自己靚左，一定有，除非無！
Red Wine Poached Pear：最後黎個甜品，红酒煮梨配雲尼拿雪糕。雪糕質感幼滑，梨被红酒煮過，有淡淡既甜香，夾埋旁邊既雜莓食，味道啱啱好。张贴
