Mango Tree

营业中

休息中

知道依到開左一個非常出名既Mango Tree，當然要黎依到試一試。今次只有兩個人黎,相對地選擇當然少左,所以就叫左唔算太多既野。首先就係一個炸蝦多士,份量唔錯,有五件咁多，炸得都算好香脆，賣相好靚成件都差唔多係橙黃色，口感唔算太好，有少少似食緊蝦餅，不過都幾正既,控制個油份做得好好，加埋個酸甜汁,好夾,好滋味。之後係一個蟹肉炒飯（$128）上面鋪左一層白色既厚厚蟹肉，不過蟹既鮮味就唔係好夠。飯就比較濕左少少，唔太乾身，唔太分明,不過味道唔算太差。最後既咖喱炒蟹既水準真係值得一讚。試完之後真係想番黎食多幾次,份量同賣相已經非常吸引,蟹當然就係用肉蟹，而且都好大隻,肉質唔算非常好但鮮甜真係味足。加埋個爪同鉗都係非常之咁粗壯，食落啖啖都係肉。咖喱汁加埋蟹肉既鮮甜味道,真係一絕,好可惜叫左炒飯,唔係既就一定食白飯。