都匯漁港

在此主場飲早茶和食晏時，食過多次腐乳通菜，發覺此店嘅腐乳醬非常惹味，十分出色，肥華心諗，如果食羊腩煲有咁正嘅，腐乳醬配合，個食味一定係，無懈可擊，10月24日知道此店已推出，羊腩煲，揾食肥華急不及待，捉埋靚媽去食呢個最佳配搭，可能希望越大，失望越高，雖然個腐乳醬依然出色，但主角羊肉，則味淡及唔夠淋，所以今餐呢個羊腩煲，祇值C+評分，反而呢餐兩個配角，蒸海班仔及燒雞，味道甚佳，篜魚火候啱啱好，燒雞上枱熱辣辣，呢兩味配角都有A級水平，搶盡主角羊腩煲風頭，不過以今晚嘅消費唻講，有酒，有菜，有肉，有魚，有靚媽陪食飯，呢餐晚飯，肥華俾👍👍👍

1