Backyard (已結業)

這間西餐廳在8咪半地下，撘車經過很多次也想試的，但沒有機會。我們開會之後就來了這裏，裝修也是幾特別，係水管設計，樓底十分之高。先來了籃麵包，加黑醋及檻欖油一齊食，好好味，麵包熱的，外脆內軟。這些花不知真的假，但坐在前面就好唔舒適，d葉會弄到條頸。豆湯，好豐富的豆，好香，啖啖也是豆。雜菜湯焗蕃薯，好大份，有黃肉同紫肉，好香又夠淋夠甜，加d蜜糖一齊食好正。芝士焗西蘭花，好多亦好食，夠爽口同芝士味道好夾。咖哩牛肉飯，牛肉好多，好淋又入味，薯仔也是，不是好辣，飯份量不是好多，有一塊蝦片，好特別！All day breakfast，賣相十分吸引，份量也好多，有兩塊紅菜頭麵包，不過冇味的，一塊薯餅，兩條腸，沙律少少醋味，炒蛋幾滑同夠香，有牛奶味，煙肉，一小碗雜菇，雜菇好香好味。其實太多也食唔晒。仕應話這個吞拿魚可以做到半生熟，所以他們好幾個也叫左這吞拿魚拼大蝦，但吞拿魚變了全熟，仲係好鞋的，感覺是湯渣的瘦肉，然後問仕應，找來了一個經理又話這款吞拿魚做唔到半生熟的……玩咩，還有蝦不新鮮的。。。同事散叫左一客蕃茄大蝦意粉，賣相都好吸引，有好幾隻大蝦，車厘茄，香草，意粉，佢話味道幾好，份量也不少。