吃茶三千 (上海街)

营业中

休息中

孖住閨蜜一齊去mk 逛逛，食完dinner覺得口乾、勁想飲嘢，喺台飲舖雲集嘅地方，要揾間人氣高、價錢又適中嘅茶飲，說實在有難度，不過慶幸友人諗起一間想飲好耐而從未試過嘅「吃茶三千」。跟住佢嘅腳步，於是嚟到呢一間充滿文藝氣息嘅商場仔。舖頭內外都有唔少打卡位，值得一讚嘅係有埋枱櫈畀客坐，喺臨收工呢個時段踩點，夠晒氣氛！我叫咗杯百香果寒天珠珠綠茶，味甜而清新，而且寒天幾乎佔咗1/3杯，好感動！好有衝動下次再嚟飲過👍🏻而朋友就叫咗凍頂烏龍茶+百花香蜜+寒天，比較清淡回甘，雖然有蜜糖但唔會甜得過我嗰杯。