影片
更多
2010-04-06
8 浏览
師傅一條冷無啦啦貢左去九龍灣行, 行到攰行到餓, 都係時候搵個地方坐底食野; 兜左好幾個圈, 都唔知食咩好, 本來師傅淨係好想食餐好, 但諗深一層一支公都係求其食算數, 剛好路經呢間食店, 師傅就決定入去開餐!其實喺師傅印像中好耐之前去過呢間食店, 當時係喺九展, 對呢間食店感覺蠻好; 原因係當時柯打熱狗係要自己配搭, 由包到腸甚至乎醬汁都要自己一手去揀, 但今次竟然變為一個餐, 感覺驟減, 但師傅最後都柯打左個黑椒熱狗餐, 再配上炸薯條同汽水; 如果唔鍾意薯條係可以揀肉醬薯蓉!落完單行去搵個位坐底先, 由於係即叫即整, 所以要等一陣; 個餐登場後, 師傅首先試下個炸薯條, 炸薯條屬於粗身類型, 而薯條本身幾硬, 口感麻麻, 幸好都略有薯味, 加上夠熱, 為炸薯條挽回少少分數; 黑椒熱狗賣相一般, 洋蔥甚多, 師傅鼓起左最大嘅勇氣, 嘗試連埋洋蔥一齊食, 可惜洋蔥又生又硬, 入口後感覺其差, 最後師傅只好挑開d洋蔥啦; 熱狗個包身係外脆內軟, 但軟熟中竟然帶少少韌, 一般啦; 黑椒汁內有少少磨菇粒, 黑椒味唔香且味道偏咸, 食多幾啖先有少少興嘅感覺; 而腸仔係香脆, 味道就唔會太咸,
其實喺師傅印像中好耐之前去過呢間食店, 當時係喺九展, 對呢間食店感覺蠻好; 原因係當時柯打熱狗係要自己配搭, 由包到腸甚至乎醬汁都要自己一手去揀, 但今次竟然變為一個餐, 感覺驟減, 但師傅最後都柯打左個黑椒熱狗餐, 再配上炸薯條同汽水; 如果唔鍾意薯條係可以揀肉醬薯蓉!
落完單行去搵個位坐底先, 由於係即叫即整, 所以要等一陣; 個餐登場後, 師傅首先試下個炸薯條, 炸薯條屬於粗身類型, 而薯條本身幾硬, 口感麻麻, 幸好都略有薯味, 加上夠熱, 為炸薯條挽回少少分數; 黑椒熱狗賣相一般, 洋蔥甚多, 師傅鼓起左最大嘅勇氣, 嘗試連埋洋蔥一齊食, 可惜洋蔥又生又硬, 入口後感覺其差, 最後師傅只好挑開d洋蔥啦; 熱狗個包身係外脆內軟, 但軟熟中竟然帶少少韌, 一般啦; 黑椒汁內有少少磨菇粒, 黑椒味唔香且味道偏咸, 食多幾啖先有少少興嘅感覺; 而腸仔係香脆, 味道就唔會太咸, 可以啦!
總括黎講熱狗嘅水準中規中舉, 環境就幾舒服, 店內有柔和音樂, 加上店內少人, 令人感覺輕鬆, 至於服務一般, 價錢唔算太貴, 廿九蚊個餐, 接受到啦; 師傅覺得食店將所有熱狗嘅自選配搭變晒做餐, 好明顯係配合港式飲食文化 – 方便同快捷, 但同時亦失去左原先食店嘅風味, 食物一般且風味欠奉, 恕師傅未能笑得出, 再黎機會亦不大!
张贴
