豆姨姨泰國招牌船河 (已結業)

都OK街邊泰國小店同男友想食宵夜，去左九龍城，見呢間小店豆姨姨泰國招牌船河，好似幾好食，價錢都OK，就坐低食，因為小店，位吾多，仲係打開摺台放門口。老闆似係泰國人，應該野食都地道吧。叫左2個船河，招牌牛船河，冬陰公船河同雞牛豬串燒。招牌牛船河湯OK，但河稍為冇乜味，索吾到湯，牛都係咁，份量合理。冬陰公船河湯底好，冬陰公，酸酸甜甜辣辣，吾多椰奶，餸都算多，3隻大蝦同菇，個蝦應該新鮮，肉彈牙的。雞牛豬串燒雞牛豬各1串，個汁都OK，肉算新鮮，吾錯。