極尚大喜屋 (加連威老道) (已結業)

食過唔少放題可以encall嘅都係得呢一間，佢叫極尚大喜屋比同牌子嘅殿大喜屋低一級，但係對於細食嘅我來講都已經夠做。我哋嗰日食夜晚第二輪，差唔多8:45先入到去都仲係好多人甚至去到走嗰陣都仲有人入嚟食。第一round食刺身啦，我哋手多多咁樣喺三文魚隔離寫咗個腩字，估唔到佢又真係比腩我喎，呢啲少少又窩心嘅互動其實都幾好呀！之後我哋嗌左唔少特色壽司，分量少少地啱晒放題食而我哋最鍾意嘅都係出面冇嘅燒鰻魚，對於我來講鰻魚僅次於三文魚之下，呢度嘅燒鰻魚極之好食，佢燒出嚟熱辣辣加埋啲燒汁同鰻魚嘅質感融為一體，咬落去食幾下即刻融化晒所以我哋都嗌左幾串黎食。另外呢度嘅燒羊架都比出面出色，因為衛生問題佢唔會燒得好似屋企煮嘅半熟，但係佢唔會燒得好熟同好硬，鎖得着肉汁！放題最後一環就梗係甜品啦，最開心就係呢度有出面冇嘅movenpick同埋haagen dazs，雖然都係得一杯冇得任食但對於要減肥嘅我來講足夠有餘啦，如果唔夠食佢仲有其他甜品同埋雪條提供添一定可以裝飽你甜品個胃☺️