影片
更多
2010-06-22
36 浏览
個人對早餐嘅定義其實定得好闊，雖然我外表睇落偏西化，但其實本人為一港式食品食店死硬派，平日最鐘意鑽茶檔搵奶茶多士當一餐-雖然同時好buy美式意式咖啡店，都好享受飲杯latte嘆件toast。尋晚上網見到starbucks summer promote緊嘅coffee jelly frappuccino blended coffee相當吸引又夠瘦，venti light都係百鬆啲卡路里實在扺飲非常，就心郁郁想去試。於是乎同時具備港西兩種特色嘅都爹利街冰室 x starbucks就成為我去試呢杯summer limited beverage嘅地點，等眼睛身體都有得滿足一下。幫媽媽叫左個pistachio and apple yogurt,再叫左個chewy apple honey granola bar俾自己，加一杯venti coffee jelly lite frap blended coffee share. pistachio and apple yogurt本身唔酸又唔會太thick and creamy,同底部一片片少少酸嘅蘋果片配合得很，好夏天，好refreshing，絕對係
尋晚上網見到starbucks summer promote緊嘅coffee jelly frappuccino blended coffee相當吸引又夠瘦，venti light都係百鬆啲卡路里實在扺飲非常，就心郁郁想去試。於是乎同時具備港西兩種特色嘅都爹利街冰室 x starbucks就成為我去試呢杯summer limited beverage嘅地點，等眼睛身體都有得滿足一下。
幫媽媽叫左個pistachio and apple yogurt,再叫左個chewy apple honey granola bar俾自己，加一杯venti coffee jelly lite frap blended coffee share.
pistachio and apple yogurt本身唔酸又唔會太thick and creamy,同底部一片片少少酸嘅蘋果片配合得很，好夏天，好refreshing，絕對係早餐嘅不二之選；
相反我嘅chewy apple honey granola bar就因為雪過又無reheat嘅關係，超硬, and its chewy to the extent that it's unreasonably tough，就算再reheat過都重係好實，不過其實味道好有麥香，面頭嘅granola and pine nuts豐富左個口感，微酸帶甜嘅jam平衡左條granola bar嘅充實感令佢唔會太滯胃。
身為主角嘅coffee jelly frap light 幾得意，將飲管伸落啲，會吸到有啲似涼粉嘅jelly，滑嘟嘟，幾香咖啡味-始終係espresso jelly 嘛；飲筒縮返上啲飲返frap，有粒粒冰同咖啡，新奇好玩又刺激，'good'一啖成個人爽哂，炎炎夏日飲就最不過！不過問題係沙冰嘅texture唔係好consistent，如果你put it aside一陣等佢融，飲到最尾就會岀現冰還冰咖啡還咖啡，疑似解凍失敗嘅融雪核突場面，加上coffee jelly碎片...倒胃非常。
總結黎講，係咪好特別要特登去飲呢？我又唔覺，如果你咁啱經過飲下都無仿嘅，要特登為佢而去就免喇，我會寧願去金鳳飲一杯冰鎮奶茶咪重消暑！
不過員工都係nice嘅，值得一贊; 間鋪好靜又夠大，同埋中環一過左返工買早餐時段舖頭會少人啲，人少少坐得疏落唔會焗聲。我同媽媽悠悠閒食完個早餐，睇陣雜誌上陣wifi，媽媽後尾重追加左杯breakfast tea暖胃，超級疏乎，不枉我地特登行半個鐘，連過兩間starbucks而不入黎呢間體驗體驗 haha.
张贴
