瓊媽媽 (皇后大道東)

营业中

休息中

有日行過發現公司附近開左新店，lunch可以試新野！因為見好似幾多人等，所以預先打電話叫定，方便自取唔使等。不過其實即買都唔會等太耐，因為佢d野食基本上都整定，所以我打電話去佢都係話可以即刻黎攞。到達餐廳一俾錢就拎得。首先介紹呢個係手撕雞菜飯。手撕雞係凍既，面頭淋上酸辣汁，底下有芽菜，好入味，而菜飯都多菜。另外叫左海南雞油飯。雞都係凍，雞都幾肥下，有薑蓉，油飯ok。唔知點解無配到酸辣汁，得黑豉油。跟飯有餐湯送，但略油。食個時其實都幾好味，但之前成個下午都好口渴，不斷飲水，應該好重味精....下次試下魚柳飯，希望無咁重味精。