譚仔雲南米線 (已結業)

呢日同媽子呢度食米線，食完先返歸啦。可能時間尚早既關係啦，人唔算太多既。不過野食就等耐左小小啦。大辣過橋米線我媽子話個湯比平時既譚仔為辣，但我覺得就同平時差唔多啦。個湯飲落去又麻又痹，真係好過癮架。而且乜野配料都有，都幾抵食。碗米線又夠大碗，真係飽都上心口。凍奶茶茶味好濃，一向都覺得譚仔既奶茶好好飲。我都唔知點解。都唔錯啦，不過野食黎得快就好啦。