巴西燒烤餐廳 (已結業)

琴日同班fd聚舊,預先book左4人,12點幾去到,個環境有d舊,係門口個姐姐唔係咁友善,語氣好唔耐煩,不過都預左。上到去有好多人,d位都幾逼,四周係暗暗的,油煙味反而聞唔到,一坐低,就去睇下有乜食,分別有沙律bar,甜品,雪糕同熱盤仲有兩種湯,青紅羅白湯同唔知乜湯,都好難飲下唔飲好過飲,熱般多數係肉,大約有10幾款,都係d普通野,味道有d就難食有d就不過不失,雪糕係牛奶公司有5種味揀,隻隻都幾好味,食左好多,甜品有8樣到,沙律就有7樣,至於好唔好味就不予置評,其中有d雪櫃味,當然去呢度對呢d都冇乜要求。坐係度一路食一路會有人行過黎問你要幾多件佢地燒0既野,有粟米,火雞胗,牛柳,雞扒,羊扒,豬脾,司華力腸,雞脾姑,紅腸,京都骨,豬脛肉。羊扒最正,其他都幾好食,不過雞扒,豬脛肉我無食到,鍾意食肉的朋友可以去一試。呢個價錢都算低食64 蚊加埋一