双囍冰室

大年初三，錦田真係無乜食店會開門，經過双喜，都有啲猶豫，因為開飯呢度都算幾多人比劣評😌
但因為太肚餓，所以都係決定坐低試吓。
點餐紙又唔算好難處理，我仲覺得好清晰添😗呢度做街坊生意就梗架啦！呢啲先係小店嘅特色嘛，環境都算乾淨企理，坐得舒服，店員服務質素又唔錯呀🤔又唔算差，叫咗兩份早餐，無論煎蛋，豬肉腸，多士，細緻到果舊牛油都覺得呢間小店係喺食物上有用心的，間餐廳都坐得爆爆哋，但上菜都超快🤨
整體嚟講，我都好滿意呢間餐廳😋

因為我都幾麻煩，又奶類敏感，又唔食生蛋，所以直接喺order紙度圈咗煎蛋，隔離寫多爐「熟」字，個廚真係煮得好好，煎蛋剛剛熟，仲要小小燶燶脆邊，坦白講，我食過咁多間茶記冰室，真係喺呢度先食到件咁正嘅煎双蛋😋😋，丹麥多士烘得唔乾食，又帶有少少脆，配上減鹽牛油，真係好窩心，條豬肉腸都煎得好好味😋杯熱檸蜜又唔會太甜，仲有好多檸檬🍋，我覺得好超值

幾好食，滑蛋炒得好靚，叉燒夠份量，一丁都係一丁，湯底濃度適中，熱奶茶都好正