波士頓餐廳

营业中

休息中

情人節晚上同男朋友去左lei 間咁老字號o既餐廳食dinner，不過唔知係咪情人節o既關係，d waiter 都忙到飛起。真係唔係講笑，佢地無論落order 定上菜都係片住去，感覺好差，忙都唔咁樣產去個客則邊掛，仲要連經理都係咁...講反d 野食，點左火焰牛柳，都好ok 呀，有如其他食家指o既外脆內軟o既感覺，最重要係我order 全熟o既牛柳內裡仍然係軟and juicy 的，係幾驚喜o既事，但係d 薯條都係麻麻地。大概每個餐80-100蚊，情人節食都叫可接受o既價錢，但係如果唔係special 日子，我都係會prefer 食西環尼斯，平三分一，一樣咁好食。ps 點解cleanliness 要比2分，係因為我坐o係kitchen 附近d 位，見到佢地throw 完人地食剩d 野之後就順手拎反餐包d 籃出去，咁同等於將人地d 「口水尾」帶反比下一個客一樣，雖然食肆就係咁la ja，但係都唔好比客人睇到lor。