牛涮鍋 (已結業)

之前個月爸爸生日去左將軍澳個間ｍｏｕ　ｍｏｕ　ｃｌｕｂ慶祝～～諗住食好Ｄ～～一家五口叫左　”和牛涮涮鍋”　＄２４８／位，食美國和牛．第一碟黎嘅牛肉同豚肉都好靚架！！不過細佬真係太快手，我仲未影相，佢就撥左Ｄ肉落個鍋．．．但係之後個Ｄ．．．好多肥膏，要同佢講佢先會換Ｄ比較好Ｄ嘅俾我地．．．今次轉過地點～去ＣＷＢ嘅世貿中心！！聽左朋友講，去左ＷＴＣ　ＭＯＲＥ　２樓顧客服務中心攞ＣＯＵＰＯＮ，係＄５０現金劵，但係就要食＄１４８以上嘅餐先用得，２位可以減＄５０，４位減＄１００．今次就同男朋友同２個ＦＲＩＥＮＤＳ食，都係叫返＄２４８個ＳＥＴ，咁就可以比較下２間分店有無分別啦～～～提早ＢＯＯＫ左，但係都要等一陣，如果無ＢＯＯＫ的話，我諗肯定要等成個鐘，好彩～第一碟黎嘅肉，當然都係好靚啦，大家都食得好滋味，薄薄一片，好快熟呀～～但係大家都係度諗，之後個Ｄ未必咁正．第二碟終於都黎啦，嘩！大家都意外地講～～都係好靚ＷＯ～～唔通地點唔同，Ｄ材料都有分別？？？除左肉之外，我地都食左好多菜，黎平衡返Ｄ油膩感．雖然大家都食到好飽，但係因為佢有雪糕任食嘅關係，所以大家加埋，總共食左九杯～～　好ＣＨＩ　ＳＩＮ　呀～