泰式美食2 (已搬遷) 新店位置

公眾假期又係出街食食食的好日子。喺譚點點心專門店食完都只得5成飽，於是就得過隔離，黎泰式美食度再食過。兩點幾，店內都有客，而且客人還不斷進來。由於唔係10級肚餓，所以唔係叫太多。要了青木瓜沙律、泰式炒椰菜苗、雞 & 雞腎串燒同冬蔭公湯河。青木瓜沙律木瓜絲切得粗幼適中，好爽脆；仲有蕃茄，不過蕃茄無醃過嘅，味道原始；調味好夠辣，又夠咸，有d咸蝦毛，夠味，不過d木瓜唔係太入味，如果預先醃耐d會更好。泰式炒椰菜苗呢個好味。每次食泰菜都會叫椰菜苗。今次試泰式炒，其實係麵豉加辣椒一齊炒，惹味。椰菜苗可能當做，好嫩，一d都唔老。冬蔭公湯河好好味啊！我以往都係食豬什或鴨肉湯河，但今次就試吓冬蔭公湯河。原來都好好味架，有蝦同肉碎，而個湯好好味，夠酸又夠辣。河粉質地好挺身，唔易斷，GOOD~雞 & 雞腎串燒串燒都ok, 不過略嫌燒得乾咗少少。雞腎好大件，爽口；雞就正常啦，唔會鞋。個醬就比較失色，係甜甜地，微辣；如果沙嗲味同辣味勁d會更好。環境ok, 可能因為我地去嘅時候人唔多。