翠韻軒 (已結業)

首先，我地坐底叫野食的時候，部長態度已經好差，問我地做乜十二個人叫咁少野食，又細細聲唔知講乜，眼神好似可憐人咁。成餐飯要自己顧自己，叫野冇人，拎隻杯又冇人，差Ｄ連水都要自己“針”。成個偏廳得兩個人睇住六七枱。個部長成餐飯除左點菜冇見過人。到我地走之前十分鐘多左個朋友黎，坐下，傾下計，佢坐咁耐又係冇人咁理佢，茶位又冇，筷子都冇對。咁好顯然……佢坐十分鐘，乜都冇食過啦……到走個陣，個部長無啦啦話計十三個人，所以冇簽卡優惠。 佢仲死雞撐飯蓋話自己數左幾次，大佬，你成餐飯鬼影都冇隻，數乜春幾次姐。我地同佢吵叫佢睇CCTV，叫佢睇下我地個朋友有冇擺過野入口，佢即刻縮沙話計翻12人有優惠比我地……比卡我地簽仲要搵交黎嗌……真係頂佢唔順。