十三姨 (通菜街)

营业中

休息中

同男朋友行完街去左通菜巷仔搵野食，巷仔裡面其實都有好多好餐廳，但伏既都試過好多間上網見到十三姨評價都ＯＫ，就決定試試佢串燒—雞腎＄１５　雞腿肉＄１３其實我好鍾意食雞哈哈，所以兩串都點左雞類，味粉微辣，灑得適中唔會太多。雞腎好爽口，雞腿肉都滑，作餐前小食都唔錯。老闆娘鵝肝煎蛋撈飯＄１０８超級邪惡既一個飯～鵝肝有成三大片，雖然唔厚，但都夠哂皮，再多真係食到滯簡單配埋乾蔥、蔥花同煎蛋已經好好食，鵝肝煎得香脆，鵝油香味好濃，唔洗落任何汁醬已經好好食。建議同朋友開心ｓｈａｒｅ，罪惡感無咁重～而且自己一個食哂，真係會有Ｄ　ｈｅａｖｙ另外其實仲叫左個手撕雞伴雞油飯＄４８（大），但又好ｆａｉｌ地唔記得影相都係簡單但出色既一個飯，面頭有唔少手撕雞、乾蔥同蔥花，雞油撈飯再啖啖配埋手撕雞，勁快清碟。