影片
更多
2023-04-25
57 浏览
今晚同老公去觀塘覓食，係apm行左個圈唔知食乜好，就行過隔離亞太中心望下，成幢都係食肆，一定揀到嘅。。最後決定食呢間，韓式炸雞！因為好耐無食炸雞啦。。我哋無book枱所以等一陣先有枱，不過都好快。。餐牌勁多款炸雞選擇，又炸雞，原隻焗雞，又有原味，牛油，蜂蜜。。。勁多唔同款。有選擇困難症嘅人都幾難決定，因為每一款望落去都好似好正！之後仲有好多唔同嘅韓國野食。。蜂蜜牛油香蒜脆雞原來半份大概係6件，仲配一碟蘿蔔，炸雞每一件都勁大件！啖啖肉，一定要快啲食，個皮好酥脆，濃郁嘅蜜糖名。雞肉好滑一啲都唔柴，咬入口有肉汁咇出嚟。醃料嘅味道唔只係個皮，啲肉入面都有果，真係會忍唔住不停食。。我地叫左半份仲覺得唔多夠，不過之後就覺得好彩叫左半份。。芝士年糕拉麵呢個一見到就好想食！因為3種材料我都好中意❤️用鐵板上枱，熱辣辣，夾起果下勁拉絲，真係好誇張！好食又好玩。。拉麵應該係韓國麵q彈好味，年糕又係煙煙韌韌，一碟份量好多，入面仲好多配料，煙肉，魚糕，菜。。。唔會太辣，記得要快啲食，因為凍左啲芝士會硬左，年糕都會硬。。韓式海鮮煎餅一份好大份，上枱果刻嚇親，激大份！入面材料好豐富，一個煎餅切左好多件格仔，每件入面
最後決定食呢間，韓式炸雞！因為好耐無食炸雞啦。。我哋無book枱所以等一陣先有枱，不過都好快。。
餐牌勁多款炸雞選擇，又炸雞，原隻焗雞，又有原味，牛油，蜂蜜。。。勁多唔同款。有選擇困難症嘅人都幾難決定，因為每一款望落去都好似好正！之後仲有好多唔同嘅韓國野食。。
蜂蜜牛油香蒜脆雞
原來半份大概係6件，仲配一碟蘿蔔，炸雞每一件都勁大件！啖啖肉，一定要快啲食，個皮好酥脆，濃郁嘅蜜糖名。雞肉好滑一啲都唔柴，咬入口有肉汁咇出嚟。醃料嘅味道唔只係個皮，啲肉入面都有果，真係會忍唔住不停食。。我地叫左半份仲覺得唔多夠，不過之後就覺得好彩叫左半份。。
芝士年糕拉麵
呢個一見到就好想食！因為3種材料我都好中意❤️用鐵板上枱，熱辣辣，夾起果下勁拉絲，真係好誇張！好食又好玩。。
拉麵應該係韓國麵q彈好味，年糕又係煙煙韌韌，一碟份量好多，入面仲好多配料，煙肉，魚糕，菜。。。唔會太辣，記得要快啲食，因為凍左啲芝士會硬左，年糕都會硬。。
韓式海鮮煎餅
一份好大份，上枱果刻嚇親，激大份！入面材料好豐富，一個煎餅切左好多件格仔，每件入面都有海鮮，好多八爪魚🐙個邊整到脆卜卜。記得要沾個汁，完全唔同風味咖😆
我地2個人點左3樣野食，真係好多，係食唔哂咖，所以好彩無叫全份炸雞😂我地見人地係3個人3樣野食，今餐食左5百幾蚊。
呢度環境舒適，坐得舒服，員工都有禮貌又友善。一大班人過嚟食可以叫多啲野食，因為份量偏大咖。。同埋最好訂枱先，咁就唔洗等位
张贴
