OPPA韓國燒肉店 (已結業)

好耐冇係香港食韓燒放題，大埔分店先至有任食放題，同樣嘅食物，同樣嘅質素，任食梗係吸引好多。裝修好卡通化，好啱一家大細嚟食，抽風做得好好，唔會好大浸燒嘢食味道。今日點弘大燒肉放題，頭盤基本上有齊最頂級嘅肉，包括A4黑毛和牛肩胛、A4黑毛和牛三角腩、澳洲和牛下腹腔、澳洲和牛脷、封門柳、鹿兒島牛柳粒、加拿大牛排骨、無骨牛肋肉、和牛金展、五花腩等，份量都幾多，食量細的人食完頭盤都可能有八成飽。我最欣賞A4和牛肩胛及三角腩，牛味濃，有少量脂肪，煎起上嚟十分甘香，加上小小鹽食更滋味，驚肥膩可以用生菜包住食，可惜唔係任食。另外和牛下腹腔及鹿兒島牛柳粒都唔錯。點了芝士燒，原先唔知用嚟做乜嘢，後來才知道同五花腩一齊食，超好味又好邪惡，食完可能都肥一至兩磅。豬大腸同魷魚質素亦唔錯，特別係魷魚好淋，肉質好後又彈牙，我都點左三轉。泡菜蛋卷酸酸辣辣幾開胃，我哋試吓加粟米同芝士入蛋卷度，製造出嚟嘅味道層次更豐富更吸引。人蔘雞湯質素可以接受，而份量亦多。韓式炸雞都值得點嚟食，皮脆肉嫩，加辣汁食零舍開胃。原先我朋友驚唔夠飽仲加點一個牛肉石頭鍋飯，估唔到份量咁多，質素亦有驚喜，最後飽到食唔晒啲飯。套餐包一罐嘢飲同Häa