鳴越越式料理 (已結業)

行完山頂就嚟到附近食dinner,見新開左開越南野所以就嚟食啦😊😊 入面裝修得幾靚，幾有art feel 😆 野食唔算貴，中環嚟講50幾蚊食到個粉都好抵下🙌🏻先叫左冬陰公海鮮炒飯($82)🔥都幾大碟下，小小辣，幾惹味海鮮有青口同蝦，仲有小小蟹柳，都幾新鮮！另外要左金邊粉($76)🍻係同泰國個種唔一樣，佢冇左蛋，花生個d做配料，但多左蒜片同蔬菜，食落亦冇咁油，唔錯！小食分別加左12蚊要豬頸肉米紙卷同牛油雞翼🍗🍗 米紙卷有3大舊，唔係hea野！入面幾足料，豬頸肉幾香口，加d蘿蔔絲更有口感。牛油雞翼好驚喜，牛油香味十足，外皮非常脆身，雞肉好嫩！一定會再食🍖🍖