優焗 (已結業)

行過見新開，見到用焗飯,選擇簡簡單單就試一試。平時生酮/低碳出街食飯好少選擇，但呢度可以多選擇可以無飯變雜菜。日日食都無內疚感。叫完5分鐘就有得食，個飯都夠熱。免治牛肉幾好食，有好多芝士，個汁都夠味。原來仲可以加隻蛋，好邪惡，下次我一定要試下。見到隔離枱雞翼同牛柳粒好似幾好食。餐湯係羅餸湯，算係幾多餸同食到牛腩，味道比出面濃，食完無口渴所以應該無加味精，幾好。我同老闆講鍾意辣，老闆專登整個湯辣d，好貼心。我見外賣係錫紙包裝，下次放工買完外賣行番屋企可以放焗爐加熱。