HAND3AG (K11購物藝術館) (已結業)

有日約咗兩個朋友去尖沙咀嘅博物館，藝術館好多嘢睇行完都五點幾。一入K11商場就見到呢間HAND3AG，所以叫咗呢到嘅三文治食下午茶。環境清新乾淨，仲有好多位添！蝦兵蟹將鐵板三文治 ($62)呢到啲麵包整得好香同埋好足料，鐵板三文治即係烘了底。每個包仲有個牌仔介紹返添，唔怕搞錯。呢個係我食嘅，又蝦又蟹咁真係好吸引，仲要多料到漏曬出嚟。軟殼蟹加蝦加埋他他醬非常夾，仲有唔少配菜。必試！慢調斯理食肉獸鐵板三文治 ($62)叫肉嘅三文治一定唔會出錯！朋友一：手撕牛仔排加流心蛋呢個配搭好好，一咬落去就有有豐富嘅口感，同埋啲肉好嫩！拉麵叉燒鐵板三文治 ($56)好搞笑，個包入面有個拉麵。我忍唔住試咗一啖，估唔到又幾夾幾好食，仲有隻蛋添！朋友二：呢個口味好特別，又包又麵飽肚感提升！本身仲以為伏，但係勁香勁好食！芝士蘑菇釀雞翼 ($38)朋友一好中意食雞翼，呢個口味好特別所以試下。雞翼已經去咗骨，一咬有好多芝士爆出嚟，蘑菇都好香。呢到嘅小食啱啱好三個我地可以一人一個。自家製蟹肉忌廉餅配他他醬 ($32)呢個都係三個。有蟹肉好好味，平身已經炸得好脆，朋友二話點埋個醬仲正好多。