影片
更多
2012-10-07
63 浏览
7月8日, 最近沉迷咗一個網上連載小說, 除咗狂追佢曲折懸疑嘅謎樣情節之外, 仲被佢發生嘅故事背景大埔, 兼喺小說曝光率甚高嘅蘋果批吸引住~ 於是今日終於的起心肝, 坐上紅van, 實行往大埔潮聖!::: 蘋果批 ::: $10呢度嘅批分為切批同小圓批兩種, 價錢一樣. 侍應嬸嬸解釋話切批就可以食多d餡, 小圓批就可以食多d批皮~ 怕太多餡會太甜嘅我地於是就揀咗小圓批嚟試. 蘋果小圓批面頭有點似用青蘋果皮點綴嘅綠點以之識別. 同平時食慣嘅蘋果批有少少唔同, 無咁重肉桂味, 反而突出番蘋果嘅香甜味, 間中又會咀嚼到粒粒軟腍果肉同提子乾, 加上充滿牛油香嘅鬆脆批皮, 好味!::: 雞批 ::: $10雞批外表同蘋果批大同小異, 關鍵只在無咗粒綠點. 批皮同樣鬆脆兼充滿牛油香~ 切開內裡滿是香濃白汁、雞肉、青豆、洋蔥餡~ 混埋批皮嘅牛油更香更惹味! 不過惹味還惹味, 餡料又唔會過鹹過膩, 同蘋果批一樣味道都好自然, good~::: 乾炒肉絲米粉 + 凍奶茶 ::: $31 + $3下午茶時間仲有特價粉麵餐提供, 我地又叫咗個乾炒肉絲米粉嚟試下~ 碟頭份量適中, 而且難得地炒得唔算油膩, 料
::: 蘋果批 ::: $10
呢度嘅批分為切批同小圓批兩種, 價錢一樣. 侍應嬸嬸解釋話切批就可以食多d餡, 小圓批就可以食多d批皮~ 怕太多餡會太甜嘅我地於是就揀咗小圓批嚟試. 蘋果小圓批面頭有點似用青蘋果皮點綴嘅綠點以之識別. 同平時食慣嘅蘋果批有少少唔同, 無咁重肉桂味, 反而突出番蘋果嘅香甜味, 間中又會咀嚼到粒粒軟腍果肉同提子乾, 加上充滿牛油香嘅鬆脆批皮, 好味!
::: 雞批 ::: $10
雞批外表同蘋果批大同小異, 關鍵只在無咗粒綠點. 批皮同樣鬆脆兼充滿牛油香~ 切開內裡滿是香濃白汁、雞肉、青豆、洋蔥餡~ 混埋批皮嘅牛油更香更惹味! 不過惹味還惹味, 餡料又唔會過鹹過膩, 同蘋果批一樣味道都好自然, good~
::: 乾炒肉絲米粉 + 凍奶茶 ::: $31 + $3
下午茶時間仲有特價粉麵餐提供, 我地又叫咗個乾炒肉絲米粉嚟試下~ 碟頭份量適中, 而且難得地炒得唔算油膩, 料亦都唔少. 米粉炒得乾爽, 味道亦都唔錯, 有點家庭式嘅味道.
凍奶茶要咗少甜, 茶味較濃, 奶味稍為薄弱, 但都算唔錯~
今次如果無人介紹其實真係未必會識得走入嚟大埔食批~ 門口一列餅櫃放滿一盤盤新鮮出爐包餅, 因為人流量多, 一路食一路都見到一個個大批小批不停出爐. 但可能d批好快凍, 臨奉客之前都見到佢地會微微叮番熱d批. 如果可以更新鮮熱辣奉客會更好!
张贴