影片
更多
2017-10-05
253 浏览
接2連3的紅日假期,令我不期然想夜晚食好d。前兩日朋友推介了這餐廳。今晚決定一試。晚上8:45。店內坐滿了食客。有1家大細。有3 5知己咁。本以為要等位。有個似係店長?既男士禮貌地告知我們9點last order,可以食到10點。我當然無問題。我食野出名"快"。😂然後店員帶我們上樓上。噢！原來有個小閣樓?樓上有枱大枱,剛好正在等待結賬。店員禮貌地簡介左餐牌就走開了。我同老公快速地看了一遍。餐牌款式不多。有一版是日推介。有1版平日的餐牌?1版飲品:手工啤酒,果汁,咖啡。老公想食燒魚,我想食乳豬。另加一客血橙蟹肉沙律。一客白酒蜆扁意粉。老公話要飲奶茶?我話好似無?佢話咁要可樂?我話眼見餐牌都無。後尾幫佢點左杯mix berry果汁。我要1664啤酒。等左約15分鐘。有d擔心會食唔切。好彩跟住就有野食。先係血橙蟹肉沙律。老公話係罐頭蟹肉,大佬,正常呀～$148一個沙律俾新鮮蟹肉你咩?一口咬落去,嘩?有薑味既??感覺怪怪的,好少食西餐沙律落薑??火箭菜加左d梨片蟹肉同4片血橙都算清新既。再黎就係白酒蜆扁意粉。好多蜆肉,加上乾辣椒粉, 羅勒葉。好香啊。老公話有d辣。唔辣點好食??再黎我的乳豬黎啦
晚上8:45。店內坐滿了食客。有1家大細。有3 5知己咁。本以為要等位。有個似係店長?既男士禮貌地告知我們9點last order,可以食到10點。我當然無問題。我食野出名"快"。😂
然後店員帶我們上樓上。噢！原來有個小閣樓?樓上有枱大枱,剛好正在等待結賬。
店員禮貌地簡介左餐牌就走開了。我同老公快速地看了一遍。餐牌款式不多。有一版是日推介。有1版平日的餐牌?1版飲品:手工啤酒,果汁,咖啡。
老公想食燒魚,我想食乳豬。另加一客血橙蟹肉沙律。一客白酒蜆扁意粉。老公話要飲奶茶?我話好似無?佢話咁要可樂?我話眼見餐牌都無。後尾幫佢點左杯mix berry果汁。我要1664啤酒。
等左約15分鐘。有d擔心會食唔切。好彩跟住就有野食。
先係血橙蟹肉沙律。老公話係罐頭蟹肉,大佬,正常呀～$148一個沙律俾新鮮蟹肉你咩?
一口咬落去,嘩?有薑味既??感覺怪怪的,好少食西餐沙律落薑??火箭菜加左d梨片蟹肉同4片血橙都算清新既。
再黎就係白酒蜆扁意粉。好多蜆肉,加上乾辣椒粉, 羅勒葉。好香啊。老公話有d辣。唔辣點好食??
再黎我的乳豬黎啦。(亦係全晚最失望之作)
我馬上放下意粉向乳豬進攻。餐廳採用原隻豬脾,配菜有燒菠蘿及椰菜仔。一切開皮好脆但一d都唔薄,証明乳豬不太乳。切第一舊,豬很肥。嗯…我安慰自己豬係肥ga la。一直切到豬腳位才見到有肉。。。。。。簡單d黎講,這份$268?(唔記得價錢)既"乳豬"9成係肥膏。者係話肉同肥膏係1比9既比例?咁我只好食曬d皮。。。。。。話凍左會更肥。我只好怕怕將肥膏同皮分離。望住切出黎既肥膏堆滿左隻碟。我只好苦笑,最後食配菜椰菜仔時,椰菜仔係唔熟的!!!!!!我再次苦笑!!!唔怪得老公係咁食菠蘿啦？
再食返碟蜆肉扁意時意粉已微冷。其中一兩隻蜆仲要唔新鮮。有d臭。
老公既烤魚竟然最遲上。因為餐牌店員話乳豬係要等30分鐘。其實我覺得烤魚味道唔錯,配泰式芫荽醬好清新。不過如果我食，會厭份量細。
落樓下埋單時,9點50分。全場走剩我地。呢個時候先睇到餐廳下層的電視一路播住郁動既風景,真係有d似坐緊火車?
埋單$856。價錢係呢個舊區黎講算中上。嗯。。。有點失望的一餐。
张贴
