芝加哥串燒酒場 (太和中心)

营业中

休息中

今晚放工去搵朋友食飯，今次就東鐵綫既朋友去太和附近食野。揀左呢間串燒店酒場，未入座已經感受到星期一就黎變成星期五既感覺。點餐紙上有好多唔同既食物揀揀完食物仲可以揀辣既程度，我當然揀bb辣呢度既飯用珍珠米煮，我決定食海鮮飯！今次決定試新野！叫左SAN Miguel黑啤，仲有Samuel AdamsSAN Miguel 麥味重，而酒味唔多，岩曬淺嘗既我。呢隻就啤酒味重，朋友就喜歡呢杯多d我地兩個人食，叫左一個黑松露帶子珍珠飯，仲有一份牛排同埋一d串燒。黑松露帶子珍珠飯，帶子大粒又清香，味道鮮甜。至於濃濃既黑松露醬平均左珍珠飯既清淡感，又唔會搶帶子既味道。炭燒法國鵝肝（左）炭燒風味，鵝肝外脆內軟，入口即溶。串燒合併成一盤有車厘茄雞肉串、燒原隻魷魚串、燒菠蘿、蜜汁燒黑豚肉、串燒風味十足，又香又好味。個人喜歡蜜汁黑豚肉，蜜汁香甜，黑豚肉燒得岩岩好。車厘茄、菠蘿水份鎖住左，燒烤過居然食到蔬果既新鮮味又唔會乾。魷魚好惹味、雞肉滑而味道唔錯。最後終於上左呢道 石燒Prime 牛小排，牛排五成熟，肉質鮮嫩，但牛味比較淡。用左鹽調味，送啤酒食嘆住先啦！雖然暫時去唔到英國倫敦旅行，食住芝加哥就當住去左旅行。