高麗軒韓國料理 (已結業)

韓燒放題中學時期就經常食嘅，不過返工之後就好少去食。今日朋友推介一間高質放題，約一班中學同學去食。共有五款伴菜，以前食港式韓燒唔會提供伴菜。呢間係可以任添。我地都點咗幾多嘢下 ，有三碟係可以食多兩碟嘅，虎蝦：大隻都幾鮮甜五花腩：呢個配上生菜和醬汁食真係好掂。牛肋骨肉：肉質幾嫩，薄薄一塊又易燒。熟食都有好多選擇，連人參雞湯都有，一啖湯配一塊燒肉，真係幾Enjoy。我仲點咗個生牛肉拌飯，味道都唔錯，食肉之餘又可以補充多款蔬菜，營養充足。