靚煲皇 (已結業)

不論男士或女士都要滋補, 最有效方法就係飲湯, 但無諗過打邊爐既湯底都可以當湯飲.相約朋友到靚煲皇食飯, 諗住普通打個邊爐, 侍應介紹冬瓜花膠雞湯煲做湯底, 可以先飲湯後邊爐, 大家都未食過就試下吧.個雞湯用大大隻既雞黎煲, 仲有冬虫草花, 紅棗, 杞子, 黑雲耳, 最重要既就係花膠, 呢D都係滋補, 潤而不燥既材料, 個個都啱飲.雞湯油份會較重, 所以加埋冬瓜, 娃娃菜平衡番就剛剛好, 個雞飲落夠清甜, 唔油膩.飲到咁上下可以食埋隻雞, 脂肪唔多, 肉夠滑, 雞味濃.仲有呢度出名既手切本地肥牛, 紋里清晰, 脂肪平均, 入口特別彈牙, 肉味濃香.因為個雞湯材料夠足, 所以打邊爐都唔洗另叫太多配料.