泰潮 (已結業)

決定約埋一眾好友大攪一個邊爐局，要去各方搜羅靚料，第一站就响深水埗。買嘢之先，時值午飯時間，自然要醫醫肚...沒有太多時間，响福榮街走一轉。撞正星期天，間間舖都多人到暈，維記大排長龍就唔在講，連普通茶記都要排就真係有D過份...橫掂都要排，就梗係揀間似樣D la...食過呢度嘅海南雞，水準普普通通。今次跟老友記一齊試吓鹵豬脾...鹵得頗入味，皮嘅部份食落頗淰及膠口，瘦肉亦唔算太韌，合格有餘；伴碟嘅鹹菜鹹鹹酸酸，頗醒胃...來一個好嘅開始，希望買邊爐配料可以順順利利la...