佐賀山田 (已結業)

老豆生日同佢打邊爐慶祝。 一直都知道青衣開咗間燒肉邊爐放題 ，決定嚟試吓。 我哋叫咗個晚市極級美國和牛&牛小扒放題 $299 湯底加多$20揀咗蟲草花胡椒豬肚湯同埋花膠骨膠原啫喱雞白湯餐廳環境算幾乾淨企理，衛生做得唔錯。除咗有唔同嘅蔬菜同丸類選擇仲有日本溫泉蛋紫菜飯同日式小菜。 牛肉方面叫咗佢三款重點推介 ：美國srf和牛，極品美國牛小排同埋美國CAB牛坑爪。 除此之外，我哋個餐仲包將包瀨尿牛丸同埋廣島蠔。牛丸真心juicy， 彈牙多汁另外叫咗個牛舌，牛肉味都重海鮮方面有蝦同帶子除此之外，佢仲有多款小食，我哋叫咗一個炸帶子食完主菜去到甜品，有明治雪條同埋薄荷朱古力雪糕。仲有其他唔同款式嘅蛋糕仔。