同人鍋 (已結業)

打邊爐最佳配料係海鮮及靚肥牛, 無需要特別調味就可以食出最真嘅鮮味.朋友帶我來呢間火鍋店, $288/位無限時, 有麻辣雞煲食之餘, 仲有龍蝦或花膠湯底火鍋, 2種滋味1次過食晒. 首先食咗雞煲, 我鍾意食辣但唔係食得辣, 今次只揀咗小辣, 嚟喇嚟喇, 雞煲上枱喇, 嘩.... 2人份量嘅雞都好大件, 好足料, 麻辣味十足, 雖然係小辣但對我呢種BB班嘅已經好辣, 雞肉嫩滑到連雞胸肉都係滑嘅, 一致認同超正.  最正係有細粒嘅洋葱, 已經入晒味仲好甜, 我忍唔住食咗2粒. 到濃湯底嘅邊爐時間喇, 我地揀咗花膠湯底, 花膠件頭唔細架, 好鬼足料, 個湯頭好清甜, 我地見到隔離枱點咗龍蝦湯, 隻龍蝦堅大隻, 2款都係十足料, 用咁靚嘅湯底打邊爐特別好味, 而我地點咗嘅海鮮全都好新鮮, 最推介係肥牛嘅牛味好濃, 我地encore咗2次添.仲有最值得介紹嘅呢度有自家製嘅飲品, 當晚有3款, 一jar jar任你飲得幾多攞幾多, 仲有好幾款飲品可以無限任飲.若果想食甜品仲可以依店家的指示, 就可以免費食雪糕添.