影片
更多
2020-09-21
71 浏览
真係好耐都冇出街食飯，今晚適逢同媽媽兩個撐枱腳，想帶佢食好嘢，諗起呢間之前去過嘅火鍋邊爐店，就二話不說，兩個女人「去滾」！呢度嘅裝修應該係全香港火鍋店數一數二，啲霓虹燈充滿着吊詭風趣嘅字句，全部都係打卡熱點：今日是呢個餐叫做「大海無量」，聽個名都覺得勁，食物包括酥炸龍蝦球、游水海鮮、生猛元貝、貴妃蚌、象拔蚌BB、花甲、飛魚子鱈蟹柳、雲吞、粟米、炸芋頭、唐生菜，每位$298。火鍋最緊要係咩？當然係個湯底啦！呢度嘅湯底從來都唔會令你失望，上次試過龍蝦湯，鮮甜到不得了。今次試蕃茄豬骨薯仔湯底，簡單嘅配搭充滿着家常嘅味道，不過用豬骨煲嘅湯底通常都會有一浸油，但呢個湯絕對冇呢個問題，反而越煲越濃味，尤其是番茄嘅味道，飲到最後一碗都仲有好多蕃茄蓉，淨係湯底已經令人非常回味。每種食物都計好二人份量，所以好多樣嘢都係一人一件。我自己好鍾意食蔬菜，所以覺得如果可以再俾多少少就好，尤其是芋頭，炸得非常香口，一人一件實在太少。個酥炸龍蝦球就一般，並唔係新鮮炸起，所以唔係太特別。然後就到主角——海鮮拼盤，二人份量，陣容尚算鼎盛，而且各類海鮮都的確非常新鮮，仲要好多都係我地最喜愛嘅貝類，真係食指大動！今晚我同媽
呢度嘅裝修應該係全香港火鍋店數一數二，啲霓虹燈充滿着吊詭風趣嘅字句，全部都係打卡熱點：
今日是呢個餐叫做「大海無量」，聽個名都覺得勁，食物包括酥炸龍蝦球、游水海鮮、生猛元貝、貴妃蚌、象拔蚌BB、花甲、飛魚子鱈蟹柳、雲吞、粟米、炸芋頭、唐生菜，每位$298。
火鍋最緊要係咩？當然係個湯底啦！呢度嘅湯底從來都唔會令你失望，上次試過龍蝦湯，鮮甜到不得了。
今次試蕃茄豬骨薯仔湯底，簡單嘅配搭充滿着家常嘅味道，不過用豬骨煲嘅湯底通常都會有一浸油，但呢個湯絕對冇呢個問題，反而越煲越濃味，尤其是番茄嘅味道，飲到最後一碗都仲有好多蕃茄蓉，淨係湯底已經令人非常回味。
每種食物都計好二人份量，所以好多樣嘢都係一人一件。我自己好鍾意食蔬菜，所以覺得如果可以再俾多少少就好，尤其是芋頭，炸得非常香口，一人一件實在太少。
個酥炸龍蝦球就一般，並唔係新鮮炸起，所以唔係太特別。
然後就到主角——海鮮拼盤，二人份量，陣容尚算鼎盛，而且各類海鮮都的確非常新鮮，仲要好多都係我地最喜愛嘅貝類，真係食指大動！
今晚我同媽媽「去滾」得好開心，下次再嚟過！
张贴
