影片
更多
2009-01-20
19 浏览
去過呢間德國餐廳食過兩次Dinner，就係未試過佢既Afternoon Tea Buffet！適逢有朋之遠方來，約好一個時間，大家就去tea 一tea啦！兩點鐘去到已人山人海，食物種類唔算多！第一時間出去攞咸豬手，好彩剛剛有盤新既，配埋佢啱啱炸起既薯條，同攞咗兩款香腸！正確嚟講應該係香腸只得兩款！咸豬手依然皮脆，但係啱啱攞都依然係凍既，冇咗熱辣辣嗰種滋味，肉質亦變硬，雖味道好，但亦難免失望！因為Dinner食既時候，豬手啱啱烤好立即喺你面前幫你分切，外皮卜卜脆，肉質淋而嫩！相比之下過份失色！而且幾乎全部熱盤都唔知點解會凍晒！兩款香腸亦實屬一般，香草德國腸冇香草味，另一款類似普通香腸但肉質較粘口！薯條係粗身嗰種，味道唔會特別有驚喜，而薯角唔知係咪因為趕時間既關係，仲未炸得透已經放出嚟，我仲可以食到''shot shot ''聲，！南瓜湯唔夠濃，忌廉似乎亦落得唔夠，小咗一份幼滑同濃郁感覺！冷盤中有一款沙津反而幾特別亦清新，佢係一小粒一小粒狀似鎮江肴肉既肉凍，配以柚子肉同酸青瓜！肉凍質感好似啫喱，係當中一份驚喜！每張枱仲會有一張咭仔，係比大家去意粉區度選材料，然後就會有專人幫你整同埋為你送上
兩點鐘去到已人山人海，食物種類唔算多！第一時間出去攞咸豬手，好彩剛剛有盤新既，配埋佢啱啱炸起既薯條，同攞咗兩款香腸！正確嚟講應該係香腸只得兩款！
咸豬手依然皮脆，但係啱啱攞都依然係凍既，冇咗熱辣辣嗰種滋味，肉質亦變硬，雖味道好，但亦難免失望！因為Dinner食既時候，豬手啱啱烤好立即喺你面前幫你分切，外皮卜卜脆，肉質淋而嫩！相比之下過份失色！
而且幾乎全部熱盤都唔知點解會凍晒！兩款香腸亦實屬一般，香草德國腸冇香草味，另一款類似普通香腸但肉質較粘口！薯條係粗身嗰種，味道唔會特別有驚喜，而薯角唔知係咪因為趕時間既關係，仲未炸得透已經放出嚟，我仲可以食到''shot shot ''聲，！
南瓜湯唔夠濃，忌廉似乎亦落得唔夠，小咗一份幼滑同濃郁感覺！冷盤中有一款沙津反而幾特別亦清新，佢係一小粒一小粒狀似鎮江肴肉既肉凍，配以柚子肉同酸青瓜！肉凍質感好似啫喱，係當中一份驚喜！
每張枱仲會有一張咭仔，係比大家去意粉區度選材料，然後就會有專人幫你整同埋為你送上！唔知係咪因為忙既關係呢，我碟蝴蝶粉嚟到既時候，我唔覺個師傅有加到汁喺碟粉到！白汁不見了...於是就請待應們幫我再叫師傅加返汁啦，點知個侍應原碟攞返嚟我面前，話師傅太忙，唔得閒幫我整！幸好本小姐當日心情較好，心裡扣分但不至於立即破口大駡！佢地將碟意粉煮成咁，然後再同我講因為忙，但錢係我比.....Good！
我叫另一個侍應幫我收起碟意粉，呢個好女侍應比較醒目，問我因由點解唔啱胃口，我話個師傅話太忙，唔得閒幫我加汁，佢立即就叫個師傅幫我加返！碟野返到嚟，只係小小改變咁啦，白汁冇包住d意粉，材粉份量我相信個師傅亦都有修改過，料少汁少，賣相與味道亦不合格！好失望！
甜品方面亦不見有獨特之處，除咗一個蘋果酥比較好，用一層酥皮做底，然後於幾粒小小用糖水煮過既蘋果喺面，酥皮鬆化，配合小小糖粉加埋蘋果既點綴，確實不錯，可惜已近尾昇，忘記咗影相！
總括嚟講呢個tea buffet實在太令人失望，雖然$130位左右，但似乎過於將貨就價！去食一個晚餐，嘆埋麥啤都只係每位$250-$300，我就寧願食好d喇，因為食物既品質相差得太遠！
後記：當我食到雪糕階段既時候，突然發現有一隻唔係香港品種既''小強''走向我腳邊，體積大概半隻手指公咁大，我立即嚇到彈開！朋友立即將佢毀滅......睇怕要再去食，我都只會去赤柱嗰間，尖沙咀呢間，從此列入黑名單.......
张贴
